Kua fatu tei au ti ko e heigoa foki?

Monuina!

Liga kua molea e fiafia  haau,  fiafia lahi, ofo, matakutaku po ke tau mena oti na I luga ! Ko e ha mena ni kua logona e koe, ko e tau aga fa mahani ni a ia. Kua loga lahi e tau mena ke fakaako moe kitia hagao ke he fakafuatama mo e  moui foou ka lukuluku e koe I loto he manava haau.  To moua e koe loga e tau fakailoaaga i hi nei ke kamata aki a  koe.

Ko e mena fakamua ke matutaki a koe ke he ekekafo haau. To  atu kia koe taha tivi ke iloa tonu kua fakafuatama tuai a koe, huki toto ke tivi e tuaga malolo  mo e tau fakailoaaga  hagao ke he fifiliaaga he Takitaki leveki fifine fakafanau/ Pulotu fifine fakafanau.

 

Matatakutaku au

Kaeke kua tupetupe a koe hagaao ke he fakafuatama haau, ai ni ko koe e tagata  fakamua  kua pihia! Ai lata ia koe ke taute  tokotaha ,  ko koe ni tokotaha   he magaaho fakafuatama haau   Tutala atu ke he taha tagata kua tua a koe ki ai mo e mitaki ke moua taha Taktaki leveki fifine fakafanau po ke Pulotu fifine fakafanau (Kitkite ke he 'Find Your Midwife'). Ha I ai loga foki  e tau tagata lagomati mo e tau matakau ke maeke ke  tofatofa kia koe he mogo fakafuatama ai a  koe ( Kitekite ke he ‘Pregnancy Support’).

 

Ko e heigoa e Takitaki Leveki Fifine fanau?

Ko e Takitaki Leveki Fifine fanau po ke LMC ko e tagata  a ia ke taute mo e leveki a koe mo e lagomatai a koe he fakafuatama haau, laga ke fanau mo e tau faahi tapu ( 4-6 e tapu) he moui he muke. Ko  lautolu tuga  e tau  Pulotu fifine fakafanu tama, Ekekafo magafaoa, Pulotu faka-fanautama (obstetricians) po ke  ekekafo Pulotu leveki  ke he tau fifine (Gynaecologist).  Ko e Pulotu fakafanau fifine ko ia ko e pulotu ke he fakafuatama mo e faka-fanau tama (midwife), kua oti e tau fakaakoaga tokoluga he tau fakakoaga ke he faahi Pulotu fakafanautama mo e kua moua foki haana a tau tohi ke litita mo e/ po ke kua moua haana a laisini ke gahau ko e Pulotu fifine fakafanautama (midwifery).

Ffili e Takitaki fakafanau fifine (LMC) fakamitaki ha ko ia ko e tagata mahuiga lahi.  Fifili e tagata ne kua talahau he taha fifine kua mitaki lahi mo e makaka, Iloilo, fakalofa mo e makaukau ke lagomatai ke he haau a tau manako ke he  puhala fanau haau ne loto a koe ki ai: fakalilifu ke he tau aga fakamotu haau mo e tau mahani tauteuseaga mena: mo e fakamaama fakamitaki  atu kia koe  kaeke kua fai mena kua hagahaga kelea mo e tau lagomatai ke he fanauaga he tama. Kua lata ia koe ke falanaki atu ke he Takitaki leveki fifine fanau haau (LMC). Ko e LMC haau to fakatutala a ia mo koe hagaao ke he tau manatu matakutaku mo e hopoate haau  ke iloa kua fai lagomatai kua moua e koe. Kaeke kua nakai mafana e loto haau ke he Takitaki  leveki fifine fakafanau po ke fai mena a koe kua nakai fiafia ki ai, haha ia koe e tonuhia ke hiki e  Takitaki leveki  fifine fanau (LMC) haau – ko  e mena maeke  mo e ai kelea ke hiki  ke he taha kaeke kua nakai mitaki e fakafetuiaga haau mo e Takitaki leveki fifine fakafanau (LMC).  (Kitekite ke he  ‘Find Your Midwife’).