Kua tei hoko mai tuai e tama muke

Kua tata mai tuai e tau magaaho ke feleveia a koe mo e haau a tama muke (poke tau tama muke). Ha kua amanaki a koe ke fanau, hanei e falu a puhala lagomatai ma haau he aho ia, ke ua tupetupe a koe.

TAU FAKAKITEAGA KE MAILOGA KI AI:

Matutaki atu ke he fifine leveki fifine fanau (LMC) po ke fale gagao faka-fanau tama FAKAMAFITI kaeke ke tupu taha mena pehe nei kia koe:

  • Ka mamahi tumau e manava, laga tuai e tama ke fanau ka e nakai la hoko ia e aho ke fanau ai
  • Ka halahala toto e hala fanau
  • Ka kamata tafe e vai mai he hala fanau
  • Ka nakai lutu malolo po ke kehe haana a lutulutu mai he manava
  • Ka lua kelea lahi a koe
  • Mamahi ka fano ke fakapala
  • Ka pala e hala fanau ti magiho po ke namu ke he
  • Tokoluga e toto mo e/po ke fai polotini (protein) e fakapala ko e fakamailoga kua fai lekua toto tokoluga/tokoluga e polotini he fakapala haau.

Falu  a fakakiteaga foki:

  • Mamahi e ulu po ke mamahi lahi tumau
  • Pulefu e tau mata, lupalupa po ke nakai kitia mitaki
  • Mamahi lahi e lalo kahokaho faahi matau poko luga he manava
  • Lua lahi mo e nakai iloa ko e ha
  • Ofo noa ni kua fufula e tau mata, lima mo e tau hui/fatia
  • Makalili mo e lahi e fiva, gagao tuga kua fulu

Tauteuteaga ma e tama

Loga e tau puhala fakafanau tama ma haau, tuga ko e fanau I kaina, fale gagao po ke fale fakafanau tama. Fakatutala a koe mo e fifine pulotu fakafanau tama, ke iloa e tau puhala lagomatai kua mitaki mo e mafola ke lata mo koe.

Kitia ai ke he tau numela fifine fanau  ko e fanau mafola e tau fifine mai he Atu Pasifika.

Kaeke ke malolo a koe ti kua fakatutala mo e fifine  leveki fifine fakafanau (LMC) haau, maeke ia koe ke fanau ke he loto kaina  ni haau ne kua fiafia a koe ki ai  po ke  fale fakafanau tama.

Kaeke ke fifili e koe ke fakafanau a koe ke he fale gagao po ke fale fakafanau tama, fakamolemole ti finatu ke kitia mata e fale ia. Ko e puhala ha ia ke fakamahani a koe mo e fale ia. Maeke ia koe ke kiliki e matutakiaga na I lalo ke finatu a koe ke kitekite I Okalana:

Ka iloa e koe e fale ka fakafanau  ai a koe, kua lata ke fai amaamanakiaga pehe nei e aho ia ‘ka fanau e tama’ haau:

  • Mau fita e kato haau he fafao mo e tau koloa ma haau mo e muke foou (totou ke he tau pepa)
  • Mau amaamanaki e puhala ke finatu ai
  • Fai matakau lagomatai
  • Fai tagata e kaina, fai moli nakai kikila lahi, molu e tau leo kofe milino mitaki e fale: mo e
  • Fakatoka fita e nofoa tama I loto he motoka (to nakai faata a koe ke toka e fale gagao po ke fale fakafanau tama a to fai nofoa a koe). Matutaki mo e kiliki e fale pihia na I lalo ke moua mai taha nofoa ma e muke haau – tuga e matakau Palanikete

Tau fakamailoga laga fanau

Kaeke kua tuaha a koe kua laga tuai e tama ke fanau, matutaki atu ke he fifine fakafanau tama po ke fale fakafanau tama mo e fakailoa ki ai e mena kua hoko. To lagomatai e lautolu a koe ke he tau mena haau kua lata ke taute.

Tau fakakiteaga kua laga tuai e tama ke fanau:

  • Mamahi tumau e manava, laga e tama ke fanau
  • Halahala toto/ tafe kalukalu ago e hala fanau
  • Tafe pala e hala fanau

MAHUIGA LAHI KE TOHI E KOE E TAU NUMELA TELEFONI HE LMC PO KE FALE FAKAFANAU TAMA HE TAHA MENA KE KITIA VAVE HE AHO IA.

AMAAMANAKI KE HE TAMA MUKE - Ko e heigoa haau kua lata ke moua?

Content provided by Mary Matagi

Mary Matagi currently works as a midwife.  She is also one of two National Pasifika representatives on the New Zealand College of Midwives.  Having worked previously for more than 10 years within the Plunket Society as a Registered Comprehensive Nurse, then qualifying as a Midwife since 1997, Mary brings a wealth of knowledge and expertise which spans more than 20 years within the Health profession.  Mary's passion and commitment has always been to serving the Pasifika communities to the best of her ability; especially the mothers, babies and vulnerable families - in an effort to improving health literacy, raise awareness and prompting early engagement with health services.  ‘The work we do is multi-faceted, requiring a multi-pronged approach – the only way forward to improving health outcomes for all, is through working collectively as a unified group if we are to make a significant difference.’