O aso muamua

O ou aso ma vaiaso muamua  o le tiute/ galuega fa’amātua, ose a’oga telē telē lava.

E le gata i lou tau fa’amasani ile iai ole pepe fou i totonu o lou aiga, ae olou taumafai e te a’oga ma fetu’utu’una’i i fesuia’iga  o ona mana’oga , ma e telē  le taimi e mana’omia mo oe ma lau pepe e faia  ai ni lua polokalame ete  lua fa’amasani i ai. O aso ma vaiaso muamua emātua faigata tele, ona ole tausiga/va’aiga ole pepe fou  ele faigofie,  ose galuega e 24 itula ma e tau le maua ai se moe/malologa.

 

O ni sitepu muamua mo le lua fa’afeagai ai ma lau pepe

Ole ‘Look at You, Aroha Atu, Aroha Mai’  ose vaega muamua oni ata fa’asolo o DVD ua saunia e Counties Manukau DHB  male Auckland University of Technology e fa’aaoga ina ‘ata  fa’atifaga, e fa’ailoa mai ai o pepe e mafai ona feso’ota’i ma tatou mai le taimi e fanau mai ai. O le ata fa’atifaga lenei e fesoasoani i matua, aiga  fa’apea  le au faigaluega e malamalama ai i fa’ailoilo fa’apepe,  ina ia e a’oga ma iloa ai ona e tali atu i auala ese’ese e lagolago ai i lona tuputupu a’e.

Ole DVD lenei e fesoasoani ia te oe ete iloa ai le taimi e sili ona lelei e si’isi’i ai lau pepe ina ia mafai ona va’ai ma maitauina ou foliga – o ou foliga e fia vaai iai lau pepe i  vaiaso muamua o lona olaga.

A’o tuputupu a’e lau pepe, ole a amata ona fa’aleo ma talatalanoa atu ia oe. Tautala i lau pepe, ma afai e te  tautala ini gagana se tele, tautala i lau pepe i ia gagana.

 

Tagi a le Pepe

O lou va’aia ose pepe o lo’o tagi pea, e matuā mamafa i le mafaufau, vevesi ma fa’aoso ita ai.

I aso ma vaiaso muamua o le olaga ole pepe, e faigata tele ona iloa pe ole ā tonu le uiga ole tagi a pepe, e  ese’ese ituaiga  tagi. Ole tagi ale pepe e fa’ateteleina i vaiaso muamua  seia oo ile tumutumuga pē a male 3 ile 6 vaiaso ona fa’aitiitia loa lea.  A o’o ile tumutumuga, e tagi ma pei e tete/lili le pepe pē a male 2 itulā ile aso.

Ole tele o nei aga e tutupu fa’aaoauli pe fa’aafiafi fo’i ona ele’i fia moe le pepe, ē tagitagi ma popolevale ma tau fafaga ma tu’u. E tusa ma le 20% o pepe e ilikaka ma fetagisi umi lava, aemaise lava i le afiafi. E mamafa tele ilemafaufau ia le tausiga/va’aiga o se pepe e mātua tagi tele  toe tagi so’o .

Ole mafua’aga e le’o manino lelei ma e leai foi ni fa’amaoniga e fa’apea ai o lo’o faia e matua se mea sese/lē sā’o,  pe o se amio o lo’o faia e pepe male mautinoa, O le tagi ale pepe, e fa’auiga ile fia ‘ai, ae afai fa’atoa uma ona fafaga, ona siaki lea mo nisi o ona mana’oga, e iai le mana’omia e sui le napekini, pe e tigā le manava, taliga po’o nifo, pe ole ova fa’agaioi pe ole lē lāvā fo’i.

 

 

Aumai  se fesoasoani

Ole mea mulimuli, e taua lou iloa o nisi aso i totonu o vaiaso muamua o lau galuega fa’amātua e faigata tele. Afai ua tele ni aso faigata fa’apea, e taua le iai ose isi ete talanoa iai, po’o se isi o lou aiga,po’o sau uo fo’i ete iloa ete fesili iai mose fesoasoani. E tatou te mana’omia lava se fesoasoani  ma se lagolago mai i aso fa’apenei, olea  a’ua ete fefe pe matamuli e fesili.

Kiliki ile feso’otaiga oi lalo mole lisi o i latou e ono maua mai ai sea fesoasoani.

 

Content provided by Dr Denise Guy

Dr Denise Guy is a Child Psychiatrist who has worked in Infant Mental Health [IMH] in Australia and New Zealand for almost three decades and has recently become the President of the New Zealand Affiliate of the World Association of IMH [WAIMH].  Denise has been very fortunate to have worked with Counties Manukau DHB as Clinical Advisor to the “Look at You, Aroha Atu, Aroha Mai” DVD project for parents, whanau and professionals. It has been a privilege for her to work with the families and professionals involved in this project.

Based in Wellington, she is a Trustee of the Incredible Families Charitable Trust which focuses on the early years with the delivery of evidence based interventions and training.