Ua ou fuafua, ua fia maua sa’u pepe

O lena lā ua e sauniuni mo lau tō – ia fa’amalō lava!

E taua le iloa o mea e tatau ona e faia ae ete le'i tō, ina ia mautinoa ai, ole a maua e oe se tō maloloina ma se pepe maloloina. O taumafa lelei, lelei le soifua maloloina lautele ma fa’amalositino o mea tāua ia e tatau ona ma’ea sauni iai ae ete le’i tō.

O lo’o iai i lalo ni ta’iala e fesoasoani atu ai ia te oe e sauniuni ai lou tino mo se tō maloloina.

 

Asiasi i lau Foma'i

Afai ua e mafaufau ua fia maua sau pepe, saili loa sou avanoa e va’ai ai lau foma’i fa’aleaiga e fai ai lau siaki fa’alesoifua maloloina. O lau foma'i e na te fautuaina oe i suesuega mo lou toto po’o le feau vai e mana’omia (vaai le lisi o ia su’esu’ega e mana’omia).

O lau foma'i foi e fa’ailoa ia te oe ni vaila’au e tatau ona inuina fa’apea ma faa’ete’etega e tatau ia te oe ona e mata’ituina aemaise pe afai o lo’o e maua i nisi gasegase tumau.

Amata loa le inuina ole Folic Acid

Ole Folic Acid, e aoga pe afai o lo’o e taumafai e fia maua sau pepe. E le gata e puipuia mai ai totoga fanau ole tinā, ae e fa’aitiitia ai fo’i le tutupu oni a’afiaga ole maea’alio ole pepe e pei ole Spina bifida (o le tulaga lea ua i fafo se vaega ole maea’alio mai le tuasivi ole pepe).  E tatau ona  amata le inuina o fualaau ole folic acid, ile lua masina ae ete le’i maua ile ma’itaga. E tatau fo’i ia te oe ona e asiasi i lau foma’i fa’aleaiga aua sau talavai mo ia fuala’au.

Mo nisi fa’amatalaga e uiga ile folic acid ma lona aofaiga e tatau ona inuina ae ete le’i ma’ito pe ua e to fo’i, kiliki mai i.

Fa’amuta loa le ulaula tapa’a

E le iai se isi taimi e sili atu ona lelei e fa’amuta ai lau masani ole ulaula tapa’a ma e sili atu fo’i lona taua ile taimi lenei nai lo seisi lava taimi.  Afai ete mana’omia se fesoasoani e fa’amuta ai le ulaula tapa’a, talanoa i lau foma’i po’o ole tausisoifua (nurse) e uiga i polokalame ma vailaau, e fa’amuta ai le ulaula tapa’a. O mea nei, e fa’ateleina ai lou avanoa e fa’amutaina ai lau ulaula tapa’a, mo le olaga atoa.

Afai o oe ose tina/ tama’ita’i Pasefika, ua lua mana’omia ma lau pa’aga/ to’alua po’o lou aiga se fesoasoani e fa’amuta ai le ulaula tapa’a, o auanaga nei o lo’o iai e fesoasoani atu i lea tulaga.  Ole fa’amutaina ole ulaula tapa’a, e te mautinoa ai le tuputupu a’e ma ola malosi o lau pepe ise si'osi’omaga mama mai vailaau o’ona ole tapa’a:

Fa’amuta le Inu ava malosi!

E leai se  aofa’i ose ava malosi e te taumafaina / inuina e sefe mo lau pepe a’o e ma’i to. A e taumafa ava, ua fa’apena foi ona taumafa ava lau pepe!  A ua  fia maua sau pepe, fa’amuta loa lau taumafa ava malosi, ete mautinoa ai, ua e avea  mo lau pepe se amataga pito i sili ona lelei mo lona olaga.

Afai o oe ose tina Pasefika, o lo’o e popole ma e mana’omia se fesoasoani e fa’aitiitia ai lau taumafa ava malosi ma avea Oe ose tasi ua mamā mai le ava malosi, fa’afeso’ota’i loa Alcohol Drug Helpline ile telefoni 0800 787 797. O nei auaunaga, e aofia ai ma isi vailaau fa’asāina (drugs)  faapea ma ta’aloga faitupe (gambling) e mafai ona fesoasoani atu ai i lau pa’aga/to’alua po’o lou aiga fo’i.

O isi nei auaunaga e avanoa fo’i e fesoasoani atu e iai le National Addictions Treatment directory.

Taumafa  maloloina /lelei  ma le fa’amalosi tino

O le taumafa i mea’ai maloloina/ lelei ma paleni fa’atasi ai ma le fa’amalosi tino e tāua tele ile taimi ae e le’i ma’i to, fa’apea le taimi ua ma’i to. Ole faia o lau filifiliga i mea’ai  lelei ile taimi lenei, ole a  fa’aputuputu ai e lou tino ia mea’ai  lelei ete mana’omia mo se ma’i to maloloina. E fa’apena fo’i la ia le fa’amalositino.  O se polokalame fa’amalositino lelei mo le ola maloloina, e aofia ai se 30 minute pe sili atu fo’i o gaioiga lē mamafa, e iai le savali, a’au pe ti’eti’e uila fo’i i le tele o aso ole vaiaso, e fa’apena ona mautinoa ai ua malosi lelei lou tino mo lou ma’itaga fa’apea le taimi e fa’atigā/fanau ai.