Au ko faitama nei- Hea la e tatau oi fai?

Fakamalo Ni!

Te taimi lava kua he tau totoka, kua he mautonu, te mataku ma te fakaatu ko na mea uma mai luga na! E pehea lava tou lagona, he mea lava mahani. E lahi lele na mea e tatou oi tauloto ma hakilikili i te tulaga o te faitama ma te ola fou kua nofo i loto i tou manava. Ka maua lava e koe na fehoahoani e lahi ke mafai ai koe o kamata.

Te hokotaki muamua lava ko te Fomai o te kaiga. Ka kavatu e ia he fakaasiga manino ki tulaga kua pa koe ki ai pe faitama pe heai, ka mafai foki o fai te sukegasukega o tou toto e vena hoki tou soifua malolo ma na fakamatalaga uma e mafai ai ona sakili he au Takitaki Teinefomai Tausi io pe he teinefomai fakafanau.

 

Ko lagona te polepole ma te mataku

Kafai kua popole koe ki tulaga o tou faitama, e tatau la ke iloa e koe o he popole aua he mea lava kua mahani ai na tina faitama. Fakailoa ki te ihi ke fehoahoani atu ki te sakili o he Takitaki Teinefomai Tausi io pe he teinefomai fakafanau (see ‘Find Your Midwife’).  E tokalahi na tino fehoahoani ke pa hoki ki na fakalapotopotoga e mafai oi kavatu na fehoahoani i tenei taimi o te faitama (see ‘Pregnancy Support’).

 

Hea te Lead Maternity Carer?

A te Lead Maternity Carer io pe ko te LMC he tino e o ia lava te tiute ko te kavatuga o na fautuaga ki na matua i te taimi ko nofo ei mo o latou tinae, ke pa atu lava ki te taimi ka tigaina ei i te vaiaso muamua (4- 6 vaiaso) o te olaga o te pepe. E mafai latou ie nei ni teinefomaifakafanau, Fomai o te kaiga Fomai mo Tamaiiti ma Fomaifakafanau. Te teinefomai fakafanau se teine e lahi tena atamai i tulaga o te faitama ma te fakafanau e maua foki tena fakailoga i na tulaga venei, kua lesitala ke fai ma teinefomai.

Filifili lave e koe tau LMC au e tau lele te galuega ka fai e ia. Filifili e koe he teine na fakatalitonu mai e se ihi matua au e lahi tena lelei ma tona atamai, e lelei tena galuega, e atafai, e aamanakia e ia ou manakoga e vena hoi au tuu ma aganuku ma na mea e ke masani ai, e mafai foki e ia oi taku atu na mea e mafai o tutupu ma na aula e tatou oi kui ai e manuia ai tau pepe. E tau lele ke talitonu lava koe ki tau LMC. Ko tau LMC e talanoa lava ma koe ke talanoa atu na mea e ke poopole ai ma fakaatu ai ke mafai oi totoka na mea uma. Kafai kua he fiafia atili ki tau LMC kua fakahetonu he mea e mafai lava koe oi hakili ie tahi LMC e fiafia koe ki ei aua la he tulafono lava o tou saolotoga (see ‘Find Your Midwife’).