Kua latalata oi fanau mai tau pepe

Kua latalata lava te taimi kua fanau mai ai tau pepe tamaiti (or ones!)I na tapenaga mo te fanau o tau pepe, e i ai ni ietahi fautuaga e mafai o kavatu kia te koe I tenei  taimi, e ve e fakaali atu mai lalo e faka ititi ai na fakafitauli e mahai oi tutupu.

NA FAKAILOGA I TE TAIMI O TE FAITAMA

Talanoa ki te Takitaki Teinefomai Fakafanau LMC io pe ko te Labour & Birthing Unit FAKAVAVE kafai ko lagona e koe na mea ia nei:

  • Tigaina o tou manava, ko ke lagona te pepe toi itiiti vau ki tua 
  • Te toto kua tafe mai i tou koga tapu 
  • Te vai ma te hua kua tafe mai  lalo  tou koga tapu
  • Kua ke lagona te pepe kua kehe tena gaoioi i loto tou manava
  • Ta ki te lua
  • Tigaina ka fano oi pi
  • Ko na vai e kuimai i lalo o te koga tapu e kino tena manogi kae mageho
  • Kua fano ki luga te toto te protein i to pi e ve ko na fakaaliga o te pre-eclampsia.

Ietahi fakailoga e veia:

  • Tigaina o te ulu 
  • Tau nenefo ona mata ma te kikila ve lapa he mainaga i ou mata
  • Tigaina mai lalo ou ivikasokaso mai lalo o tou  itu taumatau e vena hoki te kogaloto o tou manava
  • Lahi te puai soko kae he ke iloa te mafuaaga 
  • Ko te fulafula o ou mata, lima mo vae mo sokoga ou vae
  • He malohi lele ve maua e te tauvale o te flu ma te fiva.

 

Sauniuni mo tau Pepe

E lahi lele na avanoa e mafai ai oi fanau mai tau pepe pe ko tou fale io pe ko te falemai io pe ko te falepepe fakafanau. E i ai ni forms e mafai oi fakatoka ma pelani ai na sauniuniga ie nei ma tau Takitaki Teinefomai fakafanau ke talafeagai ma ou manakoga

Te laugaotino e fakali manino mai te tulaga o fafine o te Pahefika e fanau mai a latou pepe i te auala lava mahani. E tatau oi oi fehokotaki lelei ma tau LMC ke kikila lelei ki tou malohi ma te tulaga e mafai oi oi fanau mai I he fale e mafanafana e ke fofou ki ei pe ko tou fale io pe ko te falefaanau o tamaiti.

Ka fofou koe oi fanau I te falemai io pe ko te community birthing unit, e mankomia ke kikila fakalelei e koe tena fale, ke lava tou iloa te tulaga o te siosiomaga tena. KIkila ki na fesokotakiga mai lalo e ke maua ai ni ietahi centers i Aukilani nei:

Ka lelei lava to iloa i te mea e fiafia koe o fanau I ei, tau sauniuniga kua toka ma hako mo te ‘fanau mai o te pepe e aofia ei na me I ei:

  • Ke toka te ato a koe ma tau pepe koi tuai koe o fanau (see check list)
  • Ke toka te auala malaga ki te falemai
  • Na tino fehoahoani
  • Tausiga o na tamaiti i te fale
  • Ke toka lelei te koga e fanau ei, na moli, na musika malie, se koga e totoka e ofi lelei;
  • Te car seat a te pepe kua leva na toka i luga o te tavale (hospitals and birthing units e he talia e ki latou koe ke foki ki tou fale ma tau pepe kafai e heai ne mea veia) Kiliki te link ki koga e mafai ai oi maua io pe totogi he car seat ma tau pepe mai te- plunket

 

Fakailoga o te tigaina I te taimi ka fanau ei koe

Kafai kua ke iloa ko latalata mai taimi fanau ko lahi te tigaina, fehokotaki lava ki tau Takitaki Teinefomai Fakafanau io pe ko te Labour & Birthing ke iloa e ki latou te tulaga ko pa koe ki ei. Ka kavatu e ki latou na fautuaga ki mea e tatou oi fai.

Konei na fakailoga i te taimi ka tigaina ai koe i te franau:

  • Kua hohoko lava te tigaina o to manava, pipiki na uaua o vae ma te tigaina o te tino
  • Toto te koga tapu o fafine ma te vai nenefu kua hau
  • Te vai kua tatafe ifo mai te koga tapu o fafine

 E TAUA LELE KE PIPIKI NA NUMELA IA NEI KE MAFAI E KOE OI SOKOTAKI I TE TAIMI KO TIGAINA AI KOE MA TE LMC MA TE LABOUR & BIRTHING UNITI HE MEA E FAIGOFIE E KE KITEA