Au ko faitama nei- sea la te mea e tau o fai?

Fakamalo!

Taimi nei koe ko se tokaga, fiafia, poki, mataku io me ko lagona katoa a mea kona mai luga! Me pefea te tulaga e lagona ne koe e tena eiloa tulaga masani. E uke a mea e tau o tauloto ne koe i te vaitaimi ko faitama ei koe aua ko isi foki se ola faopoopo i loto i tou manava ko tauave ne koe.E uke ki eiloa a fakamatalaaga ka maua ne koe o fesoasoani ki a koe.

Te koga muamua e tau o sokotaki koe ki ei ko tau Tokita.Ka  fakamautinoa atu ne ia kae siaki ne ia te tulaga ko oko koe ki ei ko iloa ei ia koe ko faitama, siaki o tou toto e pena foki tulaga o tou olamalolo kae ka avatu foki a fakaasiga e uiga mo te avanoaga o suke sau Takitaki Neesifakafanau Tausi io me se Neesifakafanau ke panaki mo koe.

 

Ko lagona te pole mo te mataku

Kafai ko poole koe ki tulaga o tou faitama, ke moaa e poole koe, aua seai fua ko koe ko oti ne oko ki te tulaga tenei!E seai fua ko koe tokotasi ka fakafeagai mo te tulaga tenei o tou faitama. Fakailoa ki se tino e iloa ne koe ke sala ne ia se Takitaki Neesifakafanau Tausi tela e lei kae atamai (see ‘Find Your Midwife’) E tokouke foki a tino kola e mafai o fesoasoani ke oko ki fakapotopotoga kola e mafai o fautua ne latou koe i te taimi tenei (see ‘Pregnancy Support’).

 

Sea te Lead Maternity Carer?

A te Lead Maternity Carer io me ko te LMC ko ia tela ka paanaki mo te avatuuga o fautuaga ki tulaga o fafine fanau i te taimi ko nofo ei mo olotou tinae, ke oko ki te taimi ka mae ei i loto i te vaiaso muamua(4- 6 vaiaso) o te olaga o te pepe. E mafai latou konei ne neesifakafanau, tokita fakapitoa mo fakafanau/ tokita fakapitoa mo masaki o tamaliki. A te neesifakafanau se neesi fakapitoa eiloa mo tamaliki fanau , ko oti foki ne maua tena pepa fakailoga i te faka fanau kae ko fakamaonigina foki tena pepa lesitala mo tena laisene ke mafai o fai ne ia te tulaga o te faka fanau.

E taua ke salasala fakalei ne koe ke maua se LMC aua e taua tena tulaga. Sala ne koe se tino tela ko oti ne fakamaonia atu ne se isi fafine ko oti ne fanau kae lasi tena atamai, atafai, mo te mafai ne ia o faka fanau koe i tulaga tela e fetaui mo ou manakoga kae maise foki a tuu mo faifaiga mo talitonu e fetaui mo ou manakoga, kae mafai foki o taku tonu atu ne ia kia koe a pokotiaga e mafai o oko ki tau pepe i te taimi ka fanau ei. E manakogina ke maua se fakatalitonu ne koe tau LMC. Ke mafai ne tau LMC o taku tonu atu kia koe a mea kola e masalosalo kae mataku ei koe ko te mea ke mafai o avatu se iloa tonu mo te fakatalitonu Kafai koi masalosalo eiloa koe i tau LMC io me koi isi ne tulaga koi fia maina ei koe, e mafai eiloa o toe sokotaki koe ke salasala se isi LMC tela e featui tonu mo ou manakoga (see ‘Find Your Midwife’).