Tau palani i taimi ko faitama ei koe

E taua ke iloa ne koe me sea te mea e tau o fai ne koe i te taimi tenei kae koi taui koe o faitama ko te mea ke toka lei koe kae malosi foki tau pepe i tulaga o te kai ki meakai paleni ke malosi ei tau pepe.Te lei o au meakai, lei tausiga o tou foitino, lei tau fakamalosi tino kae maise ko mea e tau o fai ne koe koi tuai koe o faitama. E isi foki nisi o fakamatalaga fesoasoani ki a koe kae maise te tausiga o tou foitino ke malosi kae ke toka mo te taimi tenei.

Asi tou Tokita

Ka maua ne koe te ukega o fakamatalaaga manafai e muamua o fai sau fesokotakiga o asi ne tau tokita ke mafai o siaki a te tulaga o tou foitino katoa mo te ola lei o koe. Ka avatu foki ne tou Tokita ke mafai o suke tou toto pena foki ou mimi( ke oko ki nisi mea kola e manakogina ke fai) Ko tau Tokita ka fakailoa atu foki ne ia kia koe manafai e manakogina ke avatu ne ou vailakau mo nisi o fautuaga manafai e isi aka foki ne nisi masaki e pokotia ei koe.

Ka kamata o inu te Folic Acid

Te Folic Acid e lasi tena aoga manafai ko taumafai koe ke maua sau pepe. E se gata i te puipui ne ia a totoga fanau o te matua kae faka foliki foki ne ia a pokotiaga e mafai o pokotia ei te ivitua o te pepe e pela mo te Spina bifida(se tulaga tela e pokotia ei te maealio mo te ivitua o te pepe) E tau o kamata o inu te Folic Acid e lua masina koi tuai koe o faitama. E manakogina ke fano koe ki te Tokita ke avatu ne ou vailakau.

Mo nisi fakamatalaga e uiga mo te folic acid mo te aofaki e tau o fakaoga koi taui koe o faitama. Kiliki mai i konei

Fakagata te puusi

E seai se taimi e sili atu i te lei ke fakagata ei tau masani ko te puusi kae tenei te taimi tonu ko tau ei o tiakina. Kafai ko manako koe o fakagata faipati ki tau Tokita io me ko te neesi ki te polokalame mo vailakau kola e fesoasoani ki a koe ke mafai ei o tiakina te puusi.Tenei tulaga e faka faigofie ei o tiakina ne koe te puusi i tou olaga saukatoa.

Kafai koe se fafine o te Pasifika e pena foki mo tau avaga mo nisi o kaiga e manakogina se fesoasoani ke mafai o taikina te puusi, konei la nisi o fakapotopotoga e mafai o fesoasoani ki te tulaga tena. Kafai ko tiakina ne koe te puusi ko iloa tonu ne koe me i tau pepe ka ola i se enviromene tela ka se pokotia ne te toxin tela se vailakau koona kae poisini mai te ausaga masei tenei.

Fakagata te Inu kava malosi!

E seai se aofaki o kava malosi konei e inu ne koe e sefe mo tau pepe e pena foki koe i taimi e faitama ei koe= kafai e inu kava koe, e pena foki tau pepe o pokotia! Kafai ko manako koe o faitama e taua ke na tiakina tau inu kava malosi aua se tulaga taua tena ko tuku ne koe ki tau pepe ko se olaga lei kae filemu.

Kafai la koe se fafine o te Pasifika kae poole koe mo te tulaga tenei ke maua se fesoasoani ke mafai ei o fakafoliki te inu kava ia koe, e mafai koe o sokotaki ki te Alcohol Drug Helpline, e tenei te numela o latou 0800 787 797.  A fakapotopotoga konei fakatasi mo nisi fakapotopotoga ( kola e mafai o avatu a fesoasoani ki tulaga penei e pena foki te kemupolo mo nisi vailakau malosi) e toka o fesoasoani ki a  koe mo tau avaga e pena foki mo tou kaiga.

Nisi fakapotopotoga e mafai o avatu te fesoasoani tenei e aofia foki ei te National Addictions Treatment Directory.

Kai ki meakai paleni / mo te fai o te fakamalosi tino.

Ko te kai ki meakai paleni fakatasi mo te fakamalosi tino e taua ki eiloa ke fai ne koe koi tuai koe o faitama.Ko te kai ki meakai paleni kae aoga foki mo te foitino e pena foki o aoga mo tau pepe fou i te taimi e faitama ei koe. E pena foki te fai o fakamalosi tino, fakatoka se polokalame a koe penei i se 30 minute e mafai ei koe o sasale, kakau i te tai io me tele pasika, i taimi katoa o te vaiaso ka mafai o fakamalosi ne ia tou foitino kae mafai foki koe o toka ki te taimi ka fanau ei koe