Te pepe ko pili o fanau mai

Ko pilipili mai eiloa te taimi ko fanau mai ei tau pepe foliki(or ones!). I te fakatokatoka atu mo te fanau mai o te tamaliki kae ke mafai o fesoasoani atu ki te tulaga tenei, e isi ne nisi mea taua kona e fakamatea atu mai lalo ke fesoasoani kia koe; kae ke tai fakafoliki ei te mataku mo te pole.

FAKAILOGA MATEA I TAIMI O TE FAITAMA

Fesokotaki te Takitaki Nesifakafanau Tausi(LMC) io me ko Labour & Birthing Unit FAKAVAVE manafai ko lagona ne koe a tulaga konei:

  • Ko soko eiloa te mae o tou tinae, kae lagona ne koe te pepe a koe ko taumafai ke to mai ki tua kae koi tuai o oko ki taimi tonu e fanau mai ei
  • Te toto ko sali mai ki tua mai tou totoga tapu
  • Te vai mo te sua ko sali mai ki tua i tou totoga tapu
  • Te pepe ko tuai a te gasuke mai o vau ki tua au ko isi se mafuliga i te tulaga o tena gasukega i loto i tou tinae
  • Ko taakitelua malosi
  • Ko mae manafai ko fano o mimi
  • Ko te sua ko sali mai ki tua mai tou totoga tapu kae magiso kae magoni masei foki
  • A tou toto ko fanake o maluga kae ko te protein i ou mimi se fakailoga tena ko pili koe o fanau.

Nisi o fakailoga e aofia I ei:

  • Tigaina o te ulu kae mae
  • Fakalavelave ki te neefu o te kiloga, matea se mainaga  e lapa i ou mata i tau kiloga
  • Tigaina mai lalo ou ivikasokaso mai lalo o tou  feitu faka atamai io me ko te kogaloto o tou  tinae
  • Lua valevale kae seiloa ne koe te mafuaga 
  • Ko te fulafula o ou mata, lima mo vae mo sokoga ou vae
  • Pela me maua ne te fiiva, maua ne te flu mo ona pokotiaga

 

Fakatoka mo te Pepe

E uke a avanoaga e mafai ei koe o fakatoka mo te fanau mai o tau pepe e mafai foki o fanau i tou fale, I te fakaimasaki io me ko te falepepe fakafanau. E avatu ne ia te avanaoga ke mafai ei koe o palani mo tou taimi fanau fakatasi mo te Takiataki neesi fakafanau ko te mea ke mafai o aofia katoa a fakatokaga kola e manakogina.

Te Laugaotino e fakaasi mai se ata manino i fafine o te Pasifika e fanau mai eiloa olotou pepe i te auala masani. Tela la i te sokotaki lei mo tau LMC, kae lei eiloa tulaga o tou faitama, e mafai foki eiloa koe o fanau i tou fale totino tela e mafanafana kae patino io me fanau koe i te Uniti Fakafanau Tamaliki.

Kafai e manako koe o fanau i te Fakaimasaki oi me ko te community birthing unit, e manakiogina ke mafai koe o fai sau kilokiloga fakalei ki te tulaga o te fale tena. E mafai ei koe o isi sou iloa i tulaga o te enivairomene tena. Kiliki ki te sokotakiga tena mai lalo e maua ei ne koe a senita konei I Aukilani:

Kafai ko isi se iloa lei o koe i te koga ka fanau ei koe, mo te fakatokaga mo te ‘fanau mai’ e aofia ei a mea konei:

  • Fakatoka te pausi a koulua mo te pepe kae koi tuai o oko ki taimi fanau (see checklist)
  • Fakatoka te auala malaga
  • Ke toka a tino fesoasoani
  • Ke toka a nisi o tausi a nisi tamaliki
  • Ke tokaga te koga e fanau ei koe e.g. moli e lei te mainaga, musika malie, koga e lei kae lasi te avanoaga; fakatasi mo mea konei
  • Se nofoaga o tamailiki olomalaga i loto I te motoka ( te Fakaimasaki mo te Uniti Fakafanau e se talia ne latou koe ke Malaga ki tou fale mo te pepe e aunoa mo se nofoaga olomalaga mo te tamaliki. Click on the link ke fakasino atu te koga e mafai ei o fakaaoga io me togi ne koe tau nofoaga olomalaga- e.g. pulagiketi.

 

Fakailoga o te mae i te taimi ka fanau ei koe

Kafai ko iloa ne koe me ia koe ko tigaina i te mae o te pili o fanau, fesokotaki loa ki te Takitaki Neesi Fakafanau io me ko te Labour& Birthing suite kae fakailoa kia latou te tulaga ko oko koe ki ei. Ka fesoasoani atu ki a koe kae avatu a fautuaga o mea e tau o fai.

Fakailoga o tulaga o te mae o te fanau e aofia ei:

  • Ko soko eiloa te mae o tou tinae, piki ou uaua, teke mai ki tua o te pepe
  • Te toto ko vau mai ou totoga tapu
  • Te vai mo te sua ko sali mai ki tua i tou totoga tapu

 E TAUA KE FAKAPIKI NE KOE NUMELA E MAFAI EI O SOKOTAKI KOE MO TE LMC MO TE LABOUR & BIRTHING UNIT I SE KOGA TELA E FAIGOFIE O MAUA NE KOE